每年全國政協開大會前，政協委員都要提交提案，為國家各方面嘅發展建言獻策。全國政協尋日就舉行咗優秀提案表彰會，鄭晴聽講有六名港區委員榜上有名。例如本身係律師嘅全國政協委員陳清霞（右圖）（Eliza）前年提交嘅《關於加強陸港法律交流，促進「一國兩制」實踐發展》就獲推薦為優秀提案，Eliza尋日仲有份上台接受表彰添。Eliza喺提案中提出六大建議，促進兩地嘅法律交流，包括放開香港年輕人到內地法律領域實習嘅門檻、廢除對兩地學術交流不必要嘅外事審批、出版高水平嘅介紹大陸法律制度嘅作品。
眾所周知，中央領導人多次寄語港區全國政協委員要發揮好自身嘅優勢，為促進國家發展同兩地更好地交流合作，作出貢獻。唔少委員都有專業同工商界背景，可為港人發聲，國家對佢哋嘅意見都非常重視。
