拍拖食到抱孫
孫先生：在觀塘住了40幾年，見證裕民坊麥當勞開張，以前會同太太來這裏拍拖，兩個仔同兩個孫都係食呢間麥記大，今日專程三代一齊來緬懷。近幾年觀塘變化好大，不過樓太殘舊、密度太高都有需要重建，好難避免。
從飲茶變飲可樂
王先生：我今年70歲，未開麥當勞之前呢度係酒樓，由喺度飲茶變咗飲可樂，當時有美式餐廳開好巴閉，開咁耐食咁耐，現在租貴，相信執咗後，好難在觀塘搵返咁大間，我夜晚會來食多餐，留個紀念。
中小學「打躉地」
莊小姐：呢間麥當勞我出世食到依家，以前有棵樹，最鍾意霸樹下位置坐，而家帶個仔來食，都會揀返樹下位坐。呢度都係我讀中學、小學時，放學和同學「打躉」的地方。小學同學聚會，都揀返呢度，覺得觀塘冇咗地標，好可惜。
住樓上幫襯33年
劉小姐：我以前住喺呢間麥當勞上面，一落樓就係，幫襯咗33年，最記得小學時成日買開心樂園餐，有部分玩具仲有留低，真係好唔捨得，好唔想拆，冇曬童年回憶。
