離立法會10月復會仲有一個多月，建制派內部開始醞釀新一個立法年度嘅委員會正副主席人選。據聞建制派都希望同「泛民」嗰邊繼續協調，副「班長」陳克勤就通知大家今個月底前遞交「志願」清單，睇下大家想加入邊啲委員會先，預計月中會開會討論。有建制派中人指，舊年建制同「泛民」都協調咗四年嘅各委員會主席人選，若按計劃行事，預料各個委員會嘅主席人選變動不大，之不過「泛民」舊年違反共識，選咗社福界議員邵家臻做福利事務委員會主席，打破議會新丁不得做主席嘅規矩，令唔少建制派不滿。至於下個會期係咪繼續畀邵家臻做落去，建制派內部都要討論。
