黃之鋒、羅冠聰、周永康衝擊政總被判監，反對派同埋佢哋背後美國勢力空群而出，將一班反中亂港嘅人吹捧為英雄，真係笑大人個口。
堂堂《紐約時報》評論版編輯尋日發表評論文章，建議頒個諾貝爾和平獎畀黃之鋒、羅冠聰及周永康，讚三人係香港「首批良心犯」喎，甚至將三人嘅處境類比為緬甸昂山素姬、捷克哈維爾和前蘇聯薩哈羅夫。鄭晴睇到眼都凸埋，笑到肚痛，呢班外國勢力確實唯恐香港不亂，立心不良，學生哥因住變炮灰啊！
