大公產品

首頁 > 文章 > 正文

罕見火彩虹現身港空

時間:2017-08-11 03:15:15來源:大公網

  圖:昨日有市民拍到俗稱「火彩虹」的環地平弧相片\CWOS-Alex Ngai提供

  香港有唔少天文現象集中在夏季出現,除了早前嘅月偏食、今個周末嘅英仙座流星雨,尋日就有罕見「火彩虹」現身香港上空。

  有市民尋日上午11點至中午12點左右,分別喺元朗、上環、尖東等地上空,發現一條打橫彩虹,大家都不禁疑惑,到底同一般弧形彩虹有咩分別?鄭晴問過天文台科學主任,佢話「火彩虹」正確學名係環地平弧,屬於光學現象一種,要喺嚴苛條件下先會出現,包括高空需要出現捲雲、太陽仰角要喺58度以上,而當陽光照射捲雲內冰晶,從冰晶折射出來的光線,就會形成「火彩虹」喇。

  科學主任仲話,呢個現象並唔係每個國家都睇到,因為太陽仰角要達58度,一般只有熱帶地區夏季先會出現,所以香港可以睇到係好難得。

  雖然已經立秋,但香港天氣仍然炎熱,大家不妨做少一陣低頭族,得閒就抬頭望望,睇下見唔見到「火彩虹」現身半空啦!

最新要聞

最新要聞

最受歡迎