圖：郵政推出「香港珍稀植物」特別郵票
細小嘅香港，畀人印象往往係石屎森林，人多車多，但其實本地生物多樣性豐富，開花植物就已有近3000種。香港郵政為咗提高大眾對保護珍貴及稀有植物嘅意識，將於今個月17號，推出「香港珍稀植物」特別郵票，正式首日封就今日發售。集開郵嘅你，記得入手。
鄭晴聽香港郵政講，香港地處熱帶北緣，氣候溫暖，雨量充沛，植物品種極為豐富，包括不少珍稀植物。植物不單止有觀賞價值，仲係大自然嘅瑰寶，人類或者其他生物都不可或缺。
呢套郵票只有四枚，分別介紹咗四種本地珍稀植物，包括細花冬青、二色石豆蘭、同埋大嶼八角，面值介乎1.7元至5元不等。花花草草之餘，郵票同小全張仲以獲森林管理委員會認證嘅紙張印製，原材料同埋生產過程均符合嚴格標準，夠曬環保夠曬green。
