圖：楊潤雄（左二）、莊偉茵（左一）看學生成果 中電提供
近排成日講STEM（科學、科技、工程及數學），原來家下學STEM唔使上堂，砌LEG○一樣得！
中電推出校園工程師計劃，畀初中生加深了解香港能源行業和電力工程，提升佢哋興趣，2016/17學年就吸引咗32間超過6000名中二、中三學生參加，砌住LEGO學做工程師，認真過癮。
佢哋今個月中舉行結業禮，向主禮嘉賓教育局局長楊潤雄、中華電力企業發展總裁莊偉茵（Quince）等展示成果。其中五間學校學生花咗兩至四個月時間，用LEGO砌出香港其中五項基建，包括葵涌貨櫃碼頭、青馬大橋、啟德郵輪碼頭、尖沙咀海傍、香港國際機場。
除咗砌積木，仲要實地視察、計算比例、起草圖，又要不斷嘗試，親身體驗工程師「Plan, Do, Check, Act」工作流程，有板有眼！
