圖：藝人麥長青（左）與九建楊聰永
【大公報訊】藝人愛磚頭，近期多個新盤星蹤處處，早前買入九建（00034）紅磡環海．東岸的藝人麥長青（麥包），昨日忽然現身系內西營盤63 Pokfulam示範單位，原來其老友知道麥包可以友好貴賓身份優先睇樓，所以順便「掹衫尾」。
63 Pokfulam曝光後，麥包話身邊不少藝人朋友向其攞料，對該盤感興趣，實情自己都想買番間，因地區好又有細單位選擇，既可投資又可自住，可惜唔夠錢，雖然近兩三年收入相對較好，供得起，但無首期，除非靠家人，他坦言自己第一層樓的首期都要靠「父幹」，又慶幸發展商起啲細單位，幫到市民上車，就算單位細啲，所謂百貨中百客，若然供得起，不妨與家人父母商量，湊夠首期擁有自己空間。
