圖：民建聯立法會議員張國鈞同黃定光嘅地區辦事處又開幕 大公報記者林良堅攝
民建聯立法會議員張國鈞（Horace）和黃定光（象哥）嘅地區辦事處又開幕啦！上兩個星期係漁灣邨辦事處，今次就係小西灣辦事處。主禮嘉賓、政務司司長張建宗致辭時話，自己返小西灣好似返咗老家，因為佢係早年東區最後一期嘅民政主任，而Horace加入行會，加強民建聯與決策系統的溝通和影響力，象哥加Horace就係一個真誠為港嘅組合。中聯辦港島工作部副部長范克勝話，識咗Horace十幾年，睇住佢成長，祝賀佢成為行會成員，民記一直真誠為香港。
致辭嗰陣，大家都好齊心咁感謝前立法會議員鍾樹根！民記主席李慧琼話，民記可以喺漁灣邨同小西灣不斷壯大，首先就要多謝樹根，因為佢好早就喺度開拓，打下良好基礎。
Horace就話，與樹根哥關係好好添。今個星期係Horace生日，樹根哥一早約咗佢食生日飯，仲早過老婆。佢哋兩個不時會食飯，樹根哥仲會教佢點樣喺地區工作。
象哥就話，小西灣有接近10萬人口，宜家有多條巴士路線，成果實在得來不易，會繼續深入社區聽街坊意見。
