大公產品

首頁 > 港聞 > 正文

鄭松泰爆粗鬧公眾係白痴

時間:2017-06-12 03:15:17來源:大公網

  「熱普城」內鬥風波近日派嘅「花生」愈來愈多,知名網民仇思達(「無敵神駒」)前晚喺facebook直播,播出一段聲稱係熱血公民主席鄭松泰喺內部會議嘅「絕密錄音」,講到「熱狗」同青年新政梁頌恆、游蕙禎嘅種種恩怨。在錄音中,鄭松泰爆粗話,「響九月至到去一、二月,梁頌恆、游蕙禎呢啲X你,呢啲佢哋應該死啦!冚XX」佢仲話,問題係佢要喺公眾場合同梁游扮friend,畀其他人知道熱狗幫緊佢哋,「因為大眾白痴呀嘛!佢哋以為我哋係本土派嚟㗎嘛,你明唔明呀?本土派同一陣營嚟㗎嘛」。

  把聲擺到明係鄭松泰,佢惟有焗認,喺facebook發帖話「我在熱血公民工作組所發表的工作匯報和內部溝通被人流出了。對於有手足沒有遵守黨規和破壞內部溝通指引,本人深表遺憾。」之後仲要為自己「白痴論」喺度兜,話「九月四日當日有份支持梁游而令教主黃毓民敗選的人,全部都是智力有問題。」

  大批網民好似如夢初醒,話鄭松泰兩面三刀,仲有人話佢愧對選民,以後都唔使旨意選到了哦。其實大家而家知道都唔算遲呢!

最新要聞

最新要聞

最受歡迎