大公網6月5日訊 （記者龔學鳴報道）正當大家諗緊今日晚餐食咩好嘅時候，其實東非而家正值糧食危機，好需要大家幫手。到底香港市民可以點幫災民渡過難關呢?香港紅十字會、樂施會、國際培幼會(香港)、香港救助兒童會及愛德基金會今日發表聯合呼籲，希望大家關注東非糧食危機，而佢哋係社交媒體開展一個月嘅「六月『非』餐」籌款活動，仲請咗曾俊華、方力申、吳安儀同莊陳有出席啟動禮。
係六月期間，市民可以選擇任何一餐，以減量同進食最簡單食物為標準，並捐出嗰日飯錢俾其中一間救援機構，之後上載相片，標籤三位朋友，再加上#六月非餐#東非#糧食危機，令全城每一餐都為東非災民打氣。
「四眼Cue后」吳安儀話，抱着「stay hungry」嘅心態就係用飢餓的感覺喺精神上追求挑戰，但東非陷入糧食危機卻係東非人民無得選擇，而家情況嚴重，希望大家多多支持救援組織協助災民。
「四眼Cue后」吳安儀呼籲香港市民關注東非糧食危機。(大公報記者龔學鳴攝)
