今日（6月5日）係世界環境日，想為環保出分力？唔難！正所謂「創作力量同幻想，會嚇你一跳」，鄭晴聽港燈董事總經理尹志田講，一啲看似無用嘅物件，只要喺棄置前動動腦筋，隨時可升級再造（upcycling）成有價值物件。
連續第六年響應「世界環境日」嘅港燈，今年推出名為「垃圾不是無情物 升級手作展新生」嘅工作坊，將早兩年試行「中央垃圾桶試驗計劃」時回收到嘅小型垃圾桶，升級再造成實用嘅家居用品，例如花盆、衣物籃及雜物桶等。
