香港學生真係好叻好有創意，嚟自天水圍嘅順德聯誼總會翁祐中學被學界譽為「動畫少林寺」，事關佢哋響世界各地嘅動畫比賽奪獎無數。學校一直致力發展動畫課程，培養學生對動畫興趣，就因為係咁，黃澤婷中六畢業之後就去咗讀動畫相關課程，之後仲返咗母校任教，今次佢帶領三名師弟、中五嘅鄧澤強、黃家俊和張曉鏻，去羅馬尼亞出席Info-Matrix 2017國際資訊科技大賽總決賽，三名同學仔組成嘅兩個隊伍響「電腦藝術組別」憑全新3D電腦動畫短片「沙漏」和「父親」，奪取兩個全球金獎嘅佳績，揚威海外！
