觀塘有幾大？而家年輕人體力有幾好？青年新世界尋日就搞咗個「逆戰觀塘2017」比賽，集齊400個高中學生玩城市定向，組隊鬥快由觀塘跑到去九龍城集齊Check Piont，大熱天時都咪話唔消耗體力！
觀塘區議會副主席洪錦鉉和青年新世界董事會主席鄧詠駿，喺啟動禮為學生哥打下氣。鄧詠駿話，希望同學仔感悟「逆流而上」嘅堅毅精神，同埋認識觀塘乃至東九龍的發展變遷。洪錦鉉亦有感而發，佢話人生唔係一帆風順，挫折險阻在所難免，關鍵係識得逆流向上，希望同學保持呢種自強精神面對各種挑戰。
原來活動唔止有意義，獎金獎品仲非常豐富，贏出定向嘅100位同學仔可躋身下一階段，仲有機會去到北京、海南、台灣同埋其他地方參加挑戰添！
