大公網5月22日訊（記者龔學鳴）立法會議員何君堯(Junius)去咗澳門度過週末，話而家澳門固然有繁華一面，但保育工作亦都做得唔錯。佢今次去完佛笑樓之後，就見到有條街有唔少古董店，之後仲入咗去一間古玩店買嘢。佢今次就買咗一隻運財龜、另一隻係翡翠龜，另外買咗一舊石，而師傅匠心獨運，將舊石雕完就變成一個僧人一樣。Junius話，自己好鍾意儲龜，覺得龜雕好有意境。
至於咁多戰利品，到底要幾多錢呢? 佢話，翡翠龜原本要三千五元，但佢成功講價，就用三千蚊買咗。至於運財龜同僧人石雕，就盛惠一千三百蚊。Junius又話，僧人石雕好似一個智者一樣，佢會送畀周浩鼎，支持一下Holden呢！
