大公網5月16日訊（記者龔學鳴）由立法會宣誓風波開始一直「潛水」、繼而遠走英國「求學」嘅本土民主前線發言人梁天琦，嚟緊又有所動作。本土民主前線尋日響Facebook發帖，話梁天琦將會響6月11日出席響倫敦國王學院舉行嘅研討會，到時梁天琦仲會擔任講者添。
研討會係由一個叫「文政網」嘅組織主辦，呢個組織嘅Facebook不時會分享一啲同梁天琦、旺角暴亂、本土民主前線有關嘅文章同新聞報道。而梁天琦出席嘅嗰場研討會，內容主要有三方面，包括探討香港嘅政治自由度，發行聯署支持香港示威及支援政治犯遊行等。梁天琦過去一直支持「港獨」，睇嚟佢好有可能會透過今次呢個研討會發表「偉論」，甚至播「獨」嚕。
