圖：僅穿圍裙嘅大嘥鬼嘅媽媽，喺母親節笑得零舍燦爛
母親節又嚟啦，一打開臉書就見到大家嘅媽媽，認真溫馨！就連大嘥鬼嘅媽媽都首次現身添。原來大嘥鬼都送咗母親節禮物，仲以「兒子生性系列」為題，post咗佢同媽媽嘅合照！
不過，留言就有好多人都話，「大嘥媽」女生男相，似係老竇扮阿媽多啲喎！又有留言話，大嘥鬼阿媽好性感呀，淨係着件圍裙，認真搞笑。
話說大嘥鬼呢個孝順仔，今次都認真別出心裁，大家送花畀阿媽，佢就送西蘭花，仲話「送上西蘭花，講聲愛媽媽」，又提醒各位低頭族，「睇埋呢個post，就好放低電話陪媽媽啦！」
