蔣麗芸在片段邀請市民畀意見!
大公網5月8日訊 近年唔少參與衝擊政府嘅暴徙都會戴口罩隱藏自己身份,嘗試阻礙執法人員認住佢地嘅樣,降低自己被定罪嘅機會。唔少建制議員有見及此,喺立法會提議政府推出禁蒙面法,尋日民建聯立法會議員蔣麗芸(Ann姐)就拍片,喺網上同市民分享定立禁蒙面法嘅關注要點。
Ann姐話,相信政府當局而家正認真考慮緊禁蒙面法,但係就立法有必要要釐清兩點,就係咩情況下應該獲得豁免,同咩情況之下應該規管。Ann姐指有時參與工會人士為免老闆認出,都會戴口罩,好似沙士期間亦都人人戴口罩;佢又以奧地利為例,當地集會只要唔影響公共秩序,蒙面其實無所謂,不過加拿大任何非法集會,如果戴口罩都可以被檢控,最高刑罰更加可以被判囚十年。
Ann姐話喺片段尾聲話,就住香港到底應該喺邊種場合、集會下用蒙面法定罪,好想聽聽大家意見,希望大家都分享下自己點睇,希望大家都踴躍發表意見啦!