大公網5月2日訊（記者龔學鳴）特首梁振英（CY）上月引述內地政府官員講兩地污染問題個陣提到，香港南風天時會將污染物吹至廣東嘅城市造成霧霾。結果就被某啲傳媒刻意放大，甚至偷梁換柱，將有關言論變成特首自己嘅意見。
環境局副局長陸恭蕙今日就主動致電商台節目澄清，話外界因此批評特首唔科學實在「唔喺太公平」。佢話CY當時唔喺同廣東省負責空氣污染嘅官員討論，而是同更高層嘅領導，對話亦只是提到雙方都有污染，希望共同治理，而唔喺怪責某一方面，「(後來)講到咁大件事，說特首不科學，我都摸不着頭腦……講科學不如跟我哋講啦。」
陸恭蕙亦都否認咗CY嘅說法會令人感到兩地污染對等：「沒有人會有一個這樣理念。上面比我們香港大多少？香港污染當然不會對廣東有大影響，用常理都知道」。
