圖：蔣麗芸話爸爸九十幾歲，依然好有活力！
康文署一直都提倡「日日運動身體好，男女老幼做得到」，而且年紀大更加需要做，做開運動嘅長者體能會好好多，鄭晴有時去康文署健身室都會見到高齡長者做器械操練，保持活力同關節靈活。
民建聯立法會議員蔣麗芸（Ann姐）尋日就喺網上分享父親蔣震做運動嘅故事，話說蔣老先生啱啱踩完單車機，Ann姐見到就關心嚇佢，問爸爸攰唔攰，蔣老先生就答佢話：「老了。」
Ann姐聽到爸爸咁講，即刻話：「你不老，不老。」點知呢個時候，蔣老先生望住部單車機話：「不是我老，是這腳踏車舊了，老了！」簡簡單單嘅對話，溫馨、幽默，鄭晴真係要畀個like佢哋！
