圖：楊立門退下官場之後繼續精彩，最近做埋節目主持人
「AO歌王」登台開咪！係講梗電視台個台，下個月17日就正式開播喇！
有「AO歌王」之稱嘅民政事務局前常秘楊立門（Raymond），退下官場之後繼續精彩，最近做埋節目主持人，主持十集訪談節目，訪問嘉賓包括中大校長沈祖堯、港大醫學院長梁卓偉、時裝設計師Vivienne Tam等猛人，分享二十年來嘅變化。
Raymond話，自己過去三十幾年喺政府做過唔同部門，好似前市政事務署、前皇家香港警務處、工業貿易署、發展局常任秘書長（規劃及地政）等，對唔同範疇都有一啲認識，「連Fashion嘅嘢我都識，可以同Vivienne Tam傾到偈」。唔講唔知，Raymond同香港回歸甚有淵源，鄭晴聽聞佢唔單止喺97年回歸交接前一個晚宴嘅主持，仲係回歸10周年慶典籌備辦公室主任。係喎！講下佢嘅新工先，下月佢就會去廠商會做行政總裁喇。
