香港回歸接近二十周年,到底有咩慶祝活動呢?政制及內地事務局局長譚志源(Raymond)尋日去到西安主持駐陝西聯絡處開幕禮。另外,佢都抽空去咗欣賞「一舖清唱」音樂會,睇嚟Raymond相當欣賞喎!佢就話,今次演唱會「是香港回歸祖國二十年慶祝活動之一,四位年輕歌手為我們唱了十多首廣東歌、國語歌、英文歌,都是清唱形式。台下聽眾如痴如醉!我為他們、為香港感到無比驕傲!LIKE!」
鄭晴喺度為大家介紹一下,「一舖清唱」係香港首個專業無伴奏合唱劇團,致力創作及炮製富香港特色的無伴奏合唱新劇目,並作為試驗平台,培育新一代創作人。既然局長都咁like,希望「一舖清唱」繼續努力啦!鄭晴都撐你哋!