圖：第一屆「蘭桂坊街頭美食節」氣氛熱鬧，吸引大批遊客捧場，今年再添食 資料圖片
辣不怕？怕不辣？咁辣友們好快有口福啦。鄭晴收到料，第二屆「蘭桂坊街頭美食節」會於本月底29、30日開張，會係辣字行頭，匯聚咗諸如辣紅油抄手、芥辣馬卡龍、芥辣吞拿魚等等來自世界各地嘅香辣美食，有泰國、馬來西亞、美國、土耳其、印度、新加坡等多地超過50個攤位選擇噃。
聽香港市集協會業務總監潘智健介紹，今次美食節主題係「香草香辣飲食」，原因「很多人都喜歡吃辣，所以我哋想把世界各地不同『辣』嘅味道帶到香港，讓大家有機會品嘗。」佢仲話舊年美食節吸引咗成15萬人去嘗新咁話，嗜辣嘅鄭晴舊年就無去啦，之但係今年呢……唉呀，抹下口水先。
