【大公報訊】小時候屋企窮，沒錢買玩具什麼都玩一餐，不過一樣開心。長大後，想回味橡筋繩、跳飛機等等？「綠在區區」社區環保站在星期五、六會舉辦「綠．續市集」（見圖），除了歡迎你帶一家大細到場重溫童年回憶，還歡迎你帶齊玩具，抑或其他擺放在屋企，新淨又用不着的物件轉贈。
「綠．續市集」今次接受的回收物品包括齊件兼有八成以上新淨的玩具，幫佢搵個新主人之餘，還會恆常回收洗乾淨的膠樽、鋁罐同玻璃樽，同埋充電池、光管、小型家電及電腦設備。至於毛公仔、爛了的玩具、貼身衣物或者過舊的衫褲鞋襪就一律不回收。
另外，兩個社區環保站「綠在沙田」及「綠在觀塘」分別在星期五、六，和下個月27至28日，舉行「惜．物」手作仔市集藝術日，教市民發揮創意，將別人眼中的廢物升級再造，轉廢為寶。例如親手製作可循環再用的環保保鮮布，取代日常生活中的膠袋。星期六放假，不妨去學多門手藝。
