創辦facebook嘅朱克伯格（Mark Zuckerberg）就一早已經係富豪，但估唔到我哋都可以靠玩facebook賺錢，到底係邊間機構請人玩呢？而家天文台公開請社交媒體主任，每個月收入達37,570元。只要你係大學修讀新聞學、傳理學、創意媒體、市場學、公共關係嘅學位，有五年喺大型機構負責多媒體、網絡出版及市場推廣、公眾參與項目、新聞傳播、公共關係或企業通訊方面的全職工作經驗，又或者有兩年喺大型機構負責發展及管理社交媒體平台嘅經驗，就可以申請。
到底有咩做呢？其實就係要設立、發展及管理天文台的社交媒體平台，包括facebook及Instagram，設計、製作、發布社交媒體內容，推廣天文台服務等。不過呢，呢個係非公務員合約，而截止申請日期就係五月二日。有興趣嘅朋友，記得提早申請喇！
