「青年新政」梁頌恆自丟失咗立法會議席後，經常去台灣向「台獨」分子「取暖」，尋日佢仲拉埋公民黨嘅楊岳橋去台北參加論壇，就兩岸三地發展說三道四。成個論壇梁頌恆搭不上話，啞咗咁坐喺度聽楊岳橋、林飛帆講嘢，但一講到「播獨」問題佢即「醒神」，出聲唱衰香港，話自己當初入議會係要向世界說明「Hong Kong is not China（香港不是中國）」，仲話唔應該再守住「一國兩制」，應該將「香港自決」擺上談判桌。梁頌恆仲自爆已打定輸數唔會參與補選。
楊岳橋就聲言自己無揀宣誓「玩嘢」係想入去議會再「抗爭」。不過佢就認為，目前對香港最大的利益是「一國兩制」，反問如果將呢份合約拿走，「香港還有什麼？」楊岳橋仲話，不管喜不喜歡，年輕人都需要多了解大陸，否則吃虧係自己咁話。
