大公網4月13日訊 （記者龔學鳴報道）大嘥鬼咁深入民心，唔知近期有咩搞作呢? 原來大嘥鬼已經衝出香港，「進軍國際」呢！不過以佢咁搞鬼嘅性格，好明顯就係講笑啦！所謂進軍國際，其實佢就係去咗迪士尼樂園參觀，鬼鬼仲好幽默咁話，好榮幸「我有機會同咁多位影視紅星開會，仲畀我微服入到去視察佢哋嘅廚房，睇下佢地點樣好好利用剩食添」鬼鬼喺啲主題標籤提醒大家，「剩食回收咪大嘥」同埋「推展食物回收」呢！
