今個周末就係連續四日嘅復活節公眾假期，鄭晴上星期同唔少立法會議員傾過，都有幾多人會跟立法會團，考察東江水，無咗兩日假！工聯會議員麥美娟（Alice）亦唔例外，不過佢決定剩返兩日假期留喺屋企休息，陪下兩位「愛女」。
Alice嘅兩位「愛女」，其實係佢嘅愛犬「麥棗」同「麥糖」，兩隻狗仔都係迷你貴婦狗。Alice話，兩位小公主非一般地有性格，因為唔鍾意污糟，所以出街時唔肯自己行，要Alice抱住先得。
兩位小公主喺屋企從來唔搗亂，行路遇障礙物會自己兜路行，細女「麥糖」去廁所更加唔鍾意有人望住，所以狗廁所要擺得好隱蔽，連Alice嘅朋友都話，佢哋似人多過似狗。
