大公網3月9日訊（記者龔學鳴）山頂又有野豬出沒！中西區區議會近日收到山頂區市民反映，經常有野豬係山頂住宅附近一帶出沒，如加烈山道、種植道等，要求有關當局正視及處理。
政府當局反應都好快。漁護署今個月就回覆說，野豬係香港分布廣泛，通常係山林棲息，中西區同郊野公園相鄰，容易受民居中棄置嘅食物吸引而走近，對居民造成滋擾。署方現正成立一個工作小組，邀請包括食環署在內的相關持份者及本地專家提供協助，改善垃圾箱及垃圾收集站嘅設計，減少吸引野豬在戶外垃圾覓食。署方仲話，如果要長遠解決野豬出沒嘅情況，就需要市民停止餵飼及保持環境衛生先得。
食環署亦都回應話，會係合適嘅垃圾收集點及垃圾站進行改善工程，包括加裝有鎖掩門或水馬，防止垃圾桶被野豬弄翻，亦會密切監察有關情況及採取適當行動。
