圖：「千個聖誕老人慈善跑」吸引約1000 名聖誕老人跑手報名參加，起跑場面壯觀/ 主辦單位提供
聖誕老人嚟啦！成千個身穿紅衣聖誕衫嘅「聖誕老人」尋日現身香港科學園，有白鬚大肚腩嘅聖誕老人，有生鹿角嘅聖誕老人，仲有着住吹氣套裝、扮成騎喺鹿上面嘅聖誕老人添，真是好得意。原來佢哋都是參加聖誕老人慈善跑嘅運動健兒，希望籌集50萬善款，幫助深水埗同天水圍嘅單親及低收入家庭兒童。
鄭晴聽講，呢嗰慈善跑已經第三年喺香港舉辦啦，主辦單位希望透過活動引起社會對低收入家庭兒童嘅關注。慈善跑設有男／女子個人組、親子組、團體／企業組，今年仲新增親子慈善行，可以父子父女或者母子母女檔參加，增加親子相處機會之餘，仲可以自小灌輸小朋友助人為樂嘅概念，真係唔錯。
