大公網11月23日訊（記者 龔學鳴）「究竟全盛時期嘅劉小麗，可以響立法會甩幾多次轆？」呢個問題，相信已經成為市民近期相當關注嘅政壇「花生」。正所謂「鑊鑊新鮮鑊鑊甘」，劉小麗繼早前開▉會唔／會晤▉記得投票、問錯問題，同埋搞錯會議議程之外「再獻新猷」，居然連投票選小組委員會主席都可以吸錯印！
話說立法會發展同民政事務委員會轄下嘅監察西九文化區計劃推行情況聯合小組委員會，今日舉行第一次會議，並選出民建聯劉國勳同埋公民黨陳淑莊分別擔任正、副主席。作為反對派成員之一嘅劉小麗，面對「二揀一」嘅情況，投票果陣斷估都唔會有咩懸念啦，點知佢響最後關頭先發現自己吸錯印，即刻提出要拎過張新嘅選票，先至冇鬧出投錯票嘅笑話咋。如果劉小麗開會果陣再唔清醒啲，睇怕以後都要稱呼佢做「甩轆麗」喇。
