香港菁英會榮譽主席梁宏正
大公網11月22日訊 （記者 龔學鳴）經民聯梁君彥自今年10月剛剛擔任立法會主席，就要面對宣誓風波、人大釋法等一系列複雜且重大嘅問題，一般人早就頭都大埋。但佢個仔香港菁英會榮譽主席梁宏正就透露，儘管面對咁多問題，但爸爸返到屋企就一啲都冇煩躁或發脾氣，EQ認真夠高。
梁宏正話，今次一連串事件，不單止反對派窮追猛打，建制派內部亦都有不滿，相信就算係曾鈺成繼續坐鎮，情況亦都差唔多，而且爸爸9月先決定做主席，同各方都缺少磨合，如果上任一年先發生這些事，可能情況會有唔同。不過，佢都笑言，既然做咗主席，就應該「食得鹹魚抵得渴」。
另外，梁君彥一向俾外界感覺比較嚴肅，梁宏正亦為父親抱不平，話佢只係為人傳統，一向嚴守規則，唔▉鐘意／鍾意▉人過界。佢仲笑笑口咁「投訴」父親「大細超」，話細個個陣對佢要求好嚴，但而家對個孫就好寬鬆，有時佢對小朋友啱啱立下規矩，但轉個頭阿爸趁佢行開就會帶頭縱個孫，做壞規矩喎。
