【大公報訊】港島西區前日發生一宗抄牌「鬧警」三分鐘事件，私家車上女乘客喪罵抄牌警及圍觀途人，被市民拍下片段放上網，警員表現克制，更勸喻途人「唔好同佢嘈」，博得在場市民掌聲，「新報」前社長馮兆榮事後直認為被抄牌的司機。

　　婦欲搶告票　屢罵「死佬」

　　事發前日下午，一輛私家車在德輔道西行駛至威利麻街，疑違例在雙白線掉頭，被警員截停抄牌。車上一名婦人先罵圍觀途人，更揮動雨傘，執勤高級警員（諢名「獅子」）即勸開途人，車內女子轉罵「獅子」：「抄你就快快脆脆，抄幾耐呀？寫個幾個字寫半個鐘！抄牌唔識抄呀？要我教你抄呀？你都黐線，發癲！食X啦……」「獅子」未有動氣繼續抄牌，婦人更一度欲搶告票，「攞嚟啦！死佬！」並揚言要向警方投訴。「獅子」克制地說：「你冷靜啲，我第一次警告你！」但婦人反駁：「我第二次警告你呀！死佬！」

　　在旁圍觀的市民齊撐警員：「阿Sir唔使驚！有我哋同你做證，成街證人喺度！」最後該對男女收下告票驅車離去。該私家車司機，證實為「新報」前社長馮兆榮，他回應傳媒查詢時稱，因心急往醫院探病才「偷雞」雙白線掉頭，由於不滿抄牌警員似故意嘆「慢板」，其妻才破口大罵。

　　而該名高級警員事後表示，亦明白女事主被票控可能不開心，體諒她的處境，所以盡量克制自己，做好自己的職責。西區分區助理指揮官（行政）李占安讚揚該名警員「係好專業，都係為市民服務。」