大公網11月8日訊（記者 龔學鳴）全國人大常委會通過釋法，基本法委員會主任李飛話，故意違反宣誓要求嘅人，監誓人不得為佢哋安排宣誓；又話香港社會出現「民族自決」之類嘅主張，本質上都係「港獨」。此話一出，以「自決派」自居嘅幾位立法會議員繼續死撐，話自己嘅言行冇錯。其中，曾經「龜速」宣誓嘅劉小麗最為不負責任，竟然話如果早知道宣誓程序咁嚴苛，就會按正常方式宣誓喎！
宣誓要莊重、嚴肅，呢啲明顯係小朋友都明嘅常識啦，何況係身為大學講師嘅劉小麗？不過，唔知阿「小麗老師」係咪見到啲反對派「前輩」上屆「玩嘢」宣誓玩得好過癮，所以想有養學養啦，到依家玩出火喇，就擺出「早知乜乜乜，我就正常宣誓」嘅歪理，完全冇對自己嘅幼稚行為反省，真係聽到火都嚟。可能佢啲支持者依家就會話：早知你咁「小學雞」，當初就唔投票畀你添丫！
至於姚松炎同朱凱迪被問到▉會唔／會晤▉會再護送青年新政梁頌恆和游蕙禎入會議廳開會，兩個都話暫時未有討論，亦未同佢哋兩個接觸。唔知佢哋係咪都驚隨時議席不保，所以唔敢同青政行得咁埋呢？
