圖：花鳥國畫與medic bear
中大醫學院三十五周年誌慶，尋晚喺會展筵開十幾圍，中大校長沈祖堯、食衛局局長高永文、港大醫學院院長梁卓偉、醫管局行政總裁梁栢賢、候任立法會醫學界議員陳沛然等醫學界大人物聚首一堂，真係星光熠熠耀中大。晚宴上拍賣嘅一幅花鳥國畫同樣令人印象深刻，原來呢幅作品係出自中大校長沈祖堯同中大醫學院外科學系教授、助理院長（外務）趙偉仁嘅手筆，鄭晴覺得兩位醫生真係妙手仁心、能醫擅藝。
鄭晴聞說，畫作是兩位醫生在繪畫書法上嘅第一次合作。繪畫由趙教授構思、下筆。畫中嘅壽帶鳥象徵長壽，祝願醫學院長長久久，繁花盛放嘅木棉樹則寓意醫學院發展興隆昌盛。沈校長親筆題字：「上醫醫國，中醫醫人，下醫醫病」。十二字真言出自唐代名醫孫思邈被譽為醫學百科全書嘅《備急千金要方》。
為咗同醫學院賀壽，院方仲特意設計咗一對醫生熊寶寶：medic bear和surgeon bear，好明顯呢，着白袍、掛聽診器嘅係medic bear，而着綠色手術袍、戴口罩嘅就係surgeon bear啦。
