清潔龍「阿德」/ 麥潤田 攝
大公網9月20日訊 鄭晴一向都好着重香港嘅環保同衛生問題，負責推動呢啲政策嘅吉祥物就更吸引鄭晴注意，事關佢地非常可愛，負責推動環境衛生嘅清潔龍「阿德」今日就首次公開現身，陪同食物及衛生局局長高永文一齊見傳媒，要推動香港環境衛生，就靠哂你喇！
清潔龍「阿德」今日同局長一齊出場，非常有氣勢，引得現場一眾女記者「依嘩鬼叫」，個個都讚「阿德」有型又得意，「阿德」仲同局長「擊掌」，誓要將香港搞到乾乾淨淨，非常有決心。唔知係咪「阿德」嘅氣場太勁，搞到局長講講嚇嘢都有兩聲咳，記者會都要暫停幾分鐘，但唔洗擔心，原來係局長先前開會講得太多嘢，口乾有兩聲咳啫，不過見局長飲水都要拎住隻迷你版「阿德」，就知佢地「Friend過打band」喇，香港嘅環境衛生交畀局長同「阿德」打理，真係放心哂。
