大公網9月15日訊 金融服務界立法會議員張華峰（肥老闆），日前就同財爺曾俊華飛咗去哈薩克斯坦，同當地官員及當地商界見面，目的就係加強香港與哈薩克斯坦嘅經貿聯繫。今日適逢中秋佳節，肥老闆身在異鄉，就係facebook發帖，話「人在異鄉，在一帶一路訪問團路上，分外覺得月是故鄉圓。祝願大家人月兩團圓、中秋節快樂！」
肥老闆仲貼咗兩張相，一張就係佢同財爺握手合照，另一張就係兩個沙田柚Q版造型嘅相片。到底邊個沙田柚係財爺呢？貼士都唔使俾啦！睇下邊個有鬍鬚就知啦！
