大公網8月13日訊 （記者黃昱）「水神」菲比斯雖然已經31歲，但依然喺里約奧運期間披荊斬棘，更獲得突破歷史嘅個人22金。佢喺接受媒體訪問嘅時候，就大讚拔罐治療，引領咗新一輪嘅風潮。民建聯張國鈞（國鈞）近排忙選舉日日周街跑，都搞到腰酸背痛。佢特登去搵名醫幫手拔火罐，諗住要幫自己充充電。名醫果然好手勢，國鈞拔完之後就大讚周身輕鬆曬。名醫仲同國鈞講，菲比斯搞嗰種真空拔罐唔多正宗，而且無對啱穴位，效果肯定無火罐咁好。咁睇來，而家國鈞嘅狀態，應該仲fit過菲比斯添。
記者提提你，張國鈞是港島區立法會選舉候選人，其他候選人包括郭偉強、葉劉淑儀、許智峯、陳淑莊、何秀蘭、黃梓謙、鄭錦滿、羅冠聰、司馬文、王維基、詹培忠、沈志超、徐子見、劉嘉鴻。
