大公網7月27日訊 為人風趣幽默嘅鍾樹根，今次排喺張國鈞名單第二，參選立法會港島區直選，講笑咁話自己就嚟「退休」。咁退休之後有乜搞作呢? 黨友陳恒鑌(Ben)就好關注啦，今日仲專登搵佢傾嚇偈添。樹根哥話，自己咁多相機同鏡頭，退休咪影嚇相，性感model就無得影，唯有影嚇啲花花草草。Ben又問到，即係▉會唔／會晤▉會有其他嘢做呢?樹根哥又無嚟正經，話自己退休生活好奢華喎，自己咁多Leica，但唔會再買相機同埋hi-fi，屋企已經有幾百隻碟未聽，得閒就會同老婆去旅行。之後佢都認真啲答，話退休唔係人生嘅下半場，係另一條跑道。 

　　阿Ben就乘機推銷自己嘅政綱，希望政府推出長者創投基金，因為長者有好多經驗，應該俾長者試下。樹根哥即刻話，長者真係好多經驗架，又有Hidden Knowledge，只能口傳呢！所以長者對社會有好大嘅好處。 

　　參選港島區還有：郭偉強、葉劉淑儀、許智峯、陳淑莊、鄭錦滿、羅冠聰、司馬文、王維基、沈志超、何秀蘭、劉嘉鴻、詹培忠，黃梓謙。 

　　參選新界西還有：梁志祥、麥美娟、田北辰、周永勤、何君堯、尹兆堅、郭家麒、黃俊傑、陳浩天、馮檢基、黃潤達、朱凱迪、黃浩銘、李卓人、張慧晶、高志輝，湯詠芝。