鄧英敏(中)祝鵬哥(左起)及炳哥身體健康
大公網11月30日訊(記者 陳惠芳)譚炳文、盧海鵬、朱咪咪及鄧英敏等今日到出席網台《十一哥，攪邊科？》及《阿丘電視》等新節目。
76歲盧海鵬早前被拍到由養和出院？他直言入院一晚做通波仔手術，有戚美及好多人陪他。他坦承不想做手術，但戚美珍和杜琪峯等叫他去。他說：「都無什麼事，做嚟做乜？做唔做都一樣。（做咗唔使人擔心？）呢個另一回事，都唔知會唔會突然『叮』！」
十一哥做節目，鄧英敏撐場
盧海鵬自言通波仔前已因糖尿病已經戒口。而譚炳文表示自己十多年前做過搭橋手術：「當時在新加坡登台，突然有事就返香港做手術，最初以為通波仔，點知導管都唔得就搭橋，於胸口劏開，做了11個鐘。」
譚炳文現每兩個半月覆一次診，暫時沒什麼事：「不過有事就走?喇，鬼叫有心臟病咩，我睇得好開，阿女都有陪我。」談到行動不便，他透露腰部有問題，神經線被軟骨壓住：「腳無力又痛，行得不好。我可以做手術嘅，但有危險性，有事會癱甚至死，我都80幾歲，無必要做啦!現在做物理治療，希望情況不要再差。」他表示試過很多醫療方法但沒有效用，覺得後生才有用，所以他要用枴杖扶助。
