準買家朱先生扶老攜幼一家四口到場揀樓，朱先生本身居住大角咀，今次要由市區搬到新界，因為市區樓太貴，「無辦法，根本買唔起」，Wetland價錢較低，市區樓1.2萬元的新盤根本無選擇，唯有將價就貨，預算動用500萬元買入2房自住，計劃選用9成按保，減輕首期負擔。
蘇小姐：空氣清新
天水圍街坊準買家蘇小姐指，住在項目對面，「直頭睇住佢起」，周圍空氣清新，預算以600萬元買入2房及儲物室單位作自用，今次是其首次置業，計劃選用180天即供，放棄選用較高折扣的45天即供，因為打算承借8成按揭，惟因農曆年臨近，擔心45天申請銀行按揭的時間較緊張，亦恐怕「批唔到」，故寧願選擇時間較鬆動的付款方法。
黎生：有住屋需要
黎氏夫婦斥約500萬買入2房戶，黎生本身是天水圍街坊，一直有置業計劃，過去亦有入票認購元朗新盤，但未能成功中籤。今次於樓市表現反覆時入市，直言有住屋需要，並選用180天即供付款，並認為政府放寬按保可幫輕資金安排，預計承造6至8成按揭。
