圖：「有愛飯盒」派飯時，有不少長者手持免費盒飯卡等派飯。

　　香港繁榮，但窮人好窮，省吃儉用是窮人的生存之道。「我有個夢想，想區區都有飯派！」疫情下不少有心人關注基層人士的困境，並伸出援手。由六人合資經營、在粉嶺聯和墟的兩餸飯小店，老闆之一的文哥說：「用一個賣平價飯的地方，每日派免費飯盒畀有需要人士，希望用最直接而我哋又負擔得到的方法去幫到最多人！」/大公報記者 蘇荣（文）盧剛昌（圖）

　　香港雖說是一個繁榮的城市，但貧窮人口不少，加上疫情肆虐，部分收入花費在防疫物資上，唯有在飲食上盡量慳，不少基層市民的生活苦不堪言。

　　「唔少人來自上水、大埔，有些更因慳錢行過來」

　　去年12月底，粉嶺聯和墟開設一間約只有200平方呎的「有愛飯盒」，打着「$20兩餸飯」的旗號，在區內大賣平價飯盒，然而老闆更為人為到底，每日下午會替捐款善長免費派發飯盒給有需要人士，風雨不改。

　　「每日下午四點開始派飯，首先派畀有飯券的街坊，因為我哋有透過慈善機構，將飯券派畀有需要嘅人，請佢哋跟券上時間過來攞飯。舖頭開咗之後，多咗好多人知道，有需要嘅人會過來排隊，我哋會當後備咁派畀佢哋。如果有派剩的飯盒，我哋收工之後會攞去派埋畀附近的清潔工，或者露宿者。」其中一位老闆，人稱文哥的陳先生說。

　　「有愛飯盒」每日會預備100個飯盒免費派給有需要人士，大多是長者、單親家庭、劏房戶、貧窮區和露宿者。而前來取飯的市民，有些來自上水，有些來自大埔，有些市民更因為慳錢而步行前來。

　　兩餸飯店由六人合資經營，「我哋一齊做生意，一齊做義工都好多年，疫情期間我哋諗，除咗四圍派物資畀有需要的人之外，仲可以做啲咩？慢慢就諗到，用一個平嘅價錢，20蚊，可以做到生意，又做到派飯活動。既然大家都喺粉嶺區長大，不如喺返呢區開第一間『有愛飯盒』啦！」

　　「期望每區都有『有愛飯盒』，幫到更多有需要人士」

　　開店前，文哥和其他股東四處找公司贊助，找街坊、朋友捐錢，令「有愛飯盒」一開始經營便有足夠資金向有需要人士免費派飯。「初時係我哋搵公司贊助，搵朋友捐錢，當我哋做做吓，大家見到真實情況後，就愈來愈多人捐錢，而家嘅贊助已經排到去六月。」

　　六位股東目標一致，除了會繼續做義工，到處派飯派物資給有需要的人士外，當粉嶺的「有愛飯盒」經營上軌道後，便會在元朗區開設第二間「有愛飯盒」。「期望將來可以每區都有一間『有愛飯盒』，令各區都有20蚊飯食，同幫到更多有需要人士。」

　　有興趣捐助的市民，可以與耆樂無窮有限公司聯絡。「佢係一間慈善機構，大家可以透過佢捐款，然後耆樂無窮會同我哋買飯，同埋夾個日期，又或者直接同善長夾時間，大家一齊落舖派飯。當然亦好歡迎善長親身來舖頭搵我哋。」