圖：梁熙笑言自小就「男生女相」。
疫情下小朋友要隔離在家，如果家中沒有兄弟姐妹，小朋友無得見同學仔，真係會好悶。立法會議員梁熙近日在社交平台回憶童年，在家中排行最細的他，因為家裏有大佢7年嘅哥哥，同大佢3年嘅家姐，三姊弟在嬉鬧中成長，一直熱熱鬧鬧。同很多家中排行最細的孩子一樣，「細佬」梁熙從小就負責收下哥哥姐姐的舊衫舊鞋，他更是坦承「冇錯，家姐啲衫係會畀埋我着，包括泳衣……」。
被迫走「女裝路線」
或許是為了證明確實着過「家姐啲衫」，梁熙貼出兩張三姊弟童年合照。雖然鄭晴已知道梁熙應該是其中最小那個，但橫看豎看，圖中穿粉色連衣褲、兩眼碌碌的小童都真係似小女孩！梁熙就笑言「我知我細個似女仔」！雖然要收埋哥哥姐姐嘅物資，甚至要走「女裝路線」，但他說，大個就發現，呢種「滿滿的愛」都係一種回憶！
不過梁熙主要是想表達，疫情下的隔離生活對小朋友來講應該好悶，也更令人懷念以前的日子。希望疫情快點過去，讓小朋友可以盡情地玩，「一次過補返晒過去兩年嘅失落」。而無論什麼日子，作為成年人，都應該好好對待小朋友，讓佢哋健康快樂成長，有個快樂的童年。
