圖：在太古城商場內，大批市民趁着難得的風假，與親朋好友外出用膳，食肆大排長龍。

　　【大公報訊】記者方學明報道：八號風球懸掛超過23小時後落波。港股全日停市銀行停業，學校全日停課，大部分打工仔多了一日「打風假」。不少人趁打風食好啲，超市的壽司、火鍋食材、牛扒等食品熱賣；亦有人趁突如其來假期外出食飯，帶旺食肆生意。至於連日出現的搶購潮、菜價飆升的街市昨日顯得冷清，不少攤檔無開門營業，普遍菜價較平時貴一倍以上，有市民嫌菜貴乾脆外出食飯「費事煮」。

　　壽司牛扒紅酒搶購一空

　　長沙灣一間日式超市昨日下午迫滿購物的人潮，連收銀「姐姐」收銀也做到手不停，當中大部分市民搶購即晚享用的如壽司、火鍋肥牛、牛扒等食材，其中擺放貴價牛扒的凍櫃，更幾乎一件牛扒也不留，紅酒貨架亦見被搶購一空。

　　「趁多咗一日颱風假，加埋之後又係重陽節假期，咪約晒成班朋友開大食會，一齊食好啲，有火鍋、壽司同煎牛扒等，最緊要係要飲靚紅酒。」任文職的李小姐昨日花了不少錢購買多種貴價食材，她透露自己多請明天（10月15日）一天假，即變相由星期二（10月12日）因打風提早放工後，便一直放假至下星期一（10月18日）返工，放足五天假，「真係好開心，突如其來長假期，當然要慶祝一番。」

　　除超市旺場外，晚上的食肆亦十分熱鬧，大公報記者到火鍋店林立的太子區觀察，不少食客在門外大排長龍，「今晚book滿晒吖，可能啲人見難得有日假，加埋八號風球晏晝五時左右落波，啲人咪即刻打電話嚟重新book返位食飯囉！」在旺角經營火鍋店的強哥直言雖然食材較平時貴了，但也不敢隨便加價得失顧客，「（打風後）供應嘅食材係少咗，但啲人志在聚聚齊腳。」食客麥先生則直言有失而復得感覺，「原先約齊朋友火鍋聚局，但諗住八號風球聚局要取消，點知落波咪即刻約返出嚟盡興一番。」

　　市民：出街食「費事煮」

　　至於連日出現搶購潮的街市，昨日顯得冷清，不少檔戶無開門營業。記者在美孚街市所見，除魚檔及肉檔正常營業外，其他如菜檔及生果檔等，只有個別攤檔開檔，貨品種類不多，價格亦較往常貴，以「一級豆苗」為例，昨日每斤38元，較平常每斤16至20元，貴近一倍。

　　「我都無辦法，來貨貴，我哋咪要賣貴啲。」有菜檔職員表示，由於前一天傍晚已掛八號風球，不少檔戶已賣清存貨，在沒有新貨供應下，很多檔戶索性休業一天，其攤檔出售的蔬菜亦是早前剩下的存貨。

　　現場所見，買菜的市民亦不多。市民黃太表示，與其用貴價買菜，倒不如一家人外出食飯「費事煮」，「難得一家人整整齊齊打風留喺屋企，我哋咪不如趁仲有消費券出去酒樓食餐好。」