對於近一年來移民似有增加，鄧炳強以1997年香港經歷移民潮為例，相信歷史會循環再現。「後來唔少移民都好快回流返嚟生活、工作，今次會唔會都係呢？我諗都有咁嘅可能。」
香港國安法實施後，本港去年合共有500億美元資金流入港元體系，外資撤離的謠言不攻自破。鄧炳強表示，如果沒有國家安全法或香港社會環境不穩，「仲更加令外國投資卻步，生意人包括好多外國在港投資嘅人都覺得，而家平穩嘅環境，對於佢哋做生意同投資非常重要。過去黑暴肆虐期間，生意做唔到，無人敢出街，正正係有咗國安法之後，令社會整體穩定咗」。
鄧炳強認為，移民是個人決定，「但我相信熱愛香港，想香港好嘅人，都係希望留返香港繼續貢獻，正面去睇有部分人離港，職位需要填補，某程度上對年輕人係上流機會，未必唔係一件好事。」
