圖：李卓人將佢同太太鄧燕娥聯名持有嘅美孚新邨一期單位（紅框示）賣咗，市傳作價一千萬元，低於市價約一成。\大公報調查組攝

　　園海雙景、景觀開揚，三房間隔嘅美孚新邨單位，竟以低於市價約10%急急出手？攬炒派政客李卓人突然「賤賣」同太太共同持有嘅物業，令市民「耐人尋味」，質疑他是否準備「走佬」。對此，團體香港政研會強烈要求警隊國安處、稅務局徹查事件。

　　一個位於美孚新邨一期百老滙街5號低層嘅B室單位，實用面積827平方呎。土地註冊處資料顯示，2006年底李卓人同太太鄧燕娥聯名，以約332萬元購入該物業。目前呢個單位市傳作價1000萬元售出，呎價約12092元。值得注意嘅係，據銀行對上址嘅網上估值介乎1050萬至1107萬元之間，意味住若成交價落實係1000萬元，即係比市價低咗約5%至10%。

　　李卓人回覆傳媒查詢時，承認已經沽出美孚新邨單位，但就無透露售價。「賣樓是因為看淡後市，眼見唔少人已經移民，對後市冇信心，趁個價OK咪賣咗佢囉。」他仲話，手上已無其他物業，目前決定租樓住，但尚未落實租住地點。

　　同許智峯一樣話「唔會離港」

　　「唔會移民，唔會離開香港。」李卓人對住媒體煞有介事咁講，同當日許智峯潛逃丹麥初期大大聲話自己一定會返香港一樣，聽落似曾相識。有市民喺網上揶揄：「阿婆走得快，一定有古怪。」李卓人最終有無講大話，鄭晴同一眾市民拭目以待。