圖：余智榮指其區議員辦公室天花，大嘆深受滲水困擾
樓上單位出現問題，導致樓下單位滲水，有區議員也身受其害。
「我個區議員辦事處被滲水困擾咗好耐，不停滴水，但一路都解決唔到。天花發曬毛，仲會時不時跌啲灰落嚟，搞嚟搞去都搞唔好。」大埔區區議員余智榮無奈說，他曾向滲水辦求助，惟經多次檢查，依然未能偵測到源頭。「要人哋不停開門畀佢哋入嚟試水，試完又冇結果，試多幾次都唔好意思再麻煩人開門啦！」
只依賴成功率偏低的「色水測試」尋找源頭，無法確定滲水成因，最終更「Close File」，多區區議員都批評滲水辦成效低，促各政府部門加強協調溝通。
現時苦主能否提出訴訟，尋求解決？也飽受滲水困擾的執業大律師陸偉雄直指，苦主面對的最大難題，就是蒐證困難，若涉嫌滲水的樓上單位業主堅拒讓調查人員入屋，就難以找到確實的證明，想訴諸法律也不易。陸偉雄認為，政府應檢討現行法例，令涉滲水單位業主不能逃避責任，保障苦主權益。「我個單位出現滲水問題，拖拉近四年都未能解決，最終我都只有賣樓『避難』。」
