圖：手爪能將公仔夾至擋板水平之上（箭咀），機械才算沒被做過手腳

　　夾公仔店一度成行成市，單是旺角的各個商場，粗略統計起碼有20間夾公仔店。旺角新之城高峰時期有五間，但最近只剩下兩間，信和中心有三間，尖沙咀加連威老道則只剩下一間。

　　對夾公仔店經常「換畫」，旺角新之城一間時裝店的女店員不感驚訝：「呢啲搵快錢嘅預咗啦！以為擺幾部（夾公仔）機就風生水起，結果咪執笠囉！」

　　28歲的明仔（化名）是結業夾公仔店的店東之一，半年前，他投資15萬元入股朋友開設的夾公仔店，以為經營簡單，「租個舖位，買幾部夾公仔機就可以做生意」，但事與願違，損失慘重，連友情都賠上。

　　「當日熱潮起，幾個朋友開店，大陸買一部（夾公仔）機，7000蚊包送貨，咪即刻買即刻做生意。」明仔承認抱「搵快錢」心態，開店後才知需申領牌照，多次被警方勒令停業。然而，致命傷是他「衰貪心」，他為增加盈利，將機器調校至「非常難」夾中模式，「每部機都有得校電壓，控制幾時夾到公仔，我校到第99999下先夾到，以為啲客唔知，點知畀啲專業玩家發現，結果一傳十，十傳百，個朵衰咗。」他坦言，調校後生意大跌，兩個月前，他與一班朋友反目「散band」，夾公仔店也結業收場。