圖：兒子氹得堅姐笑開懷/大公報記者朱樂怡攝

　　【大公報訊】記者朱樂怡報道：為生活各有各忙，媽媽想見見子女都難。57歲的劉瑞堅（人稱堅姐）是一位九巴女車長，外表剛強開朗，為了家庭收入更穩定，21年前這個小女人開始揸大巴士，為了多陪家人返足21年夜更。一年前，因為工作忙碌而經常與媽媽「擦肩而過」的二仔文紹鋒轉職龍運車長，不擅長表達自己的紹鋒以互通交通消息為由，多了主動whatsapp媽媽，堅姐的甜笑流露出家人便是她最好的母親節禮物！

　　堅姐鍾意揸車，為了搵食，私家車、電單車、小巴、巴士牌都有，1998年為了有更穩定收入，由貨車司機轉職巴士司機，掌舵279D線。為方便照顧頭家，她選擇上夜班，即下午三時至凌晨一點多，實行「朝早做家務、夜晚返工」，無論幾累，一放假都會帶三個兒子周圍去，要他們多點見識，兼顧家庭與事業對她「一啲都唔難」！21年前女車長買少見少，38歲的二子紹鋒都覺得這位媽咪「好勁」，18歲已考到車牌的他坦言「揸車有大車過都有少少怯」，一直都好敬重媽媽。

　　再勁的媽咪都有心痛時，紹鋒本來任職印刷業，每日上班連交通時間起碼要15小時，堅姐起床時，兒子已經上班，母子明明住在隔籬，卻不能相見。直至一年前，印刷廠倒閉，紹鋒轉職龍運車長，一向寡言的他更不時主動聯絡媽媽，提醒改路等路面情況，加上爸爸晚晚接放工，氹得這位女強人笑得開懷，甜蜜度過今日母親節！