大公產品

首页 > 新闻 > 正文

炒場黨未收斂網上續招生意

時間:2019-03-15 03:17:49來源:大公報

  康文署轄下草地及人造草足球場被霸佔「喪炒」,署方去年六月推出「草地足球場抽籤」試驗計劃,由「先到先得」改為「電腦抽籤」,惟成效有限,就算警方早前搗破有炒場黨涉嫌偽造他人身份證租場牟利,依然未見收斂。《大公報》追查發現,炒場黨繼續公然在網上列出超過15日甚至一至兩個月後、聲稱已訂的場地資料供選擇,部分更開高約3.5倍價「喪炒」。多名租用者更無奈說,「抽籤計劃」只是給了炒場黨一個加價機會。/大公報記者 方學明(文、圖)

  「我都想知道,點解實行『電腦抽籤』後,啲場點解仲係落喺炒場黨度?計劃實行前,佢哋要嚟簽場,依家係我向佢哋租場後,佢哋將我嘅資料入落場紙『轉名』,佢哋連現身都慳返。」現年50多歲的葉Sir,是多隊業餘足球隊領隊,負責訂球場。他認為康文署的「草地足球場抽籤」試驗計劃,未能起到阻嚇。

  「我試過三個月,日日搵人book場,都冇一次成功,唔向炒場黨屈服都唔得。」葉Sir曾動員數十名「波友」,以「大包圍」方式訂場,卻無功而回。原本每節90分鐘,租金百多至二百元,被炒場黨以八百至千多元轉租,「依家最貴嘅係慈雲山蒲崗村道公園嘅第三代人造草地場,一節起碼場租1200蚊以上,次熱門嘅係翠屏道觀塘遊樂場人造草足球場、摩士公園人造草場等,起碼要800蚊。唔同時段收費唔同,最貴係夜晚8點至9點半嗰節。」

  「小圈子」群組售大量場地

  聯絡炒場黨有兩個方法,一是進入他們的「小圈子」WhatsApp群組,二是透過facebook一些約戰專頁PM聯絡。租場者進入聯繫網絡後,便會看見炒場黨列出的大量可供租用場地、日期及時間等資料;租場者亦可向炒場黨明言,想租用哪個場地,日期及時段等,然而「幫襯」前須先將身份證副本傳給對方,用作更改租場紙上的資料。

  大公報記者早前透過facebook的「約戰專頁」聯絡稱欲租場,不久有人透過電話短訊回覆,指租場前必須先登記成為康文署康體通用戶,這步驟他可代勞,之後便要提供個人身份證副本。

  香港國際米蘭青訓學院總監兼現役甲組足球員趙俊傑坦言,炒場一直存在,因要租到「合心水」場地非常困難,不少球會也無奈幫襯。

  康文署發言人表示,署方為打擊「炒場」,推行優化預訂安排、設懲罰安排、加強巡察執法等。

最新要聞

最新要聞

最受歡迎